Gazeta prestigjioze franceze “Le Monde”, ka publikuar një artikull, ku shkruan rreth sulmit të 24 shtatorit në Banjskë të Zveçanit.

Prestigjiozja franceze e krahason tentimin e terroristëve serb për aneksimin e veriut me forcat ruse gjatë aneksimit të gadishullit ukrainas në vitin 2014, përcjell Arbresh.info.

“I stërarmatosur, i veshur pa shenja, si forcat ruse gjatë aneksimit të gadishullit ukrainas në vitin 2014, një komando serbe tentoi në fund të shtatorit të sulmonte veriun e këtij territori ballkanik me shumicë shqiptare”, shkruan kjo gazetë franceze.

“Banjska ra përsëri në letargjinë e saj. Vetëm vrimat e plumbave në disa dritare dhe portat e thyera të manastirit ortodoks që shikon nga ky fshat modest në veri të Kosovës mbajnë ende gjurmët e përleshjeve të dhunshme të shpërthyera atje më 24 shtator nga një komando me burra serbë të armatosur rëndë”, shkruan francezja.

Sulmi terrorist i 24 shtatorit në Banjskë ngriti reagime të shumta në arenën ndërkombëtare, në veçanti pas rënies heroike të rreshterit të Policisë së Kosovës, Afrim Bunjaku./Arbresh.info