Arrestohet një person në Zubin Potok, u shfaq me bluzë me mbishkrim përçarës dhe urryes

09:02 | 15 Tetor 2023
E.H

Është arrestuar dje një person në Zubin Potok, pasi është shfaqur me një bluzë me mbishkrime përçarëse dhe të urrejtjes, raporton Policia e Kosovës.

Sipas Policisë, bluza dhe thika janë sekuestruar, ndërsa i dyshuari është liruar në procedurë të rregullt.

“Njësia policore gjatë patrullimit ka ndaluar një veturë të cilën e drejtonte i dyshuari mashkull kosovar. Gjatë legjitimimit njësia policore ka vërejtur se i dyshuari kishte të veshur një bluzë me mbishkrim përçarës dhe të urrejtjes, si dhe gjatë kontrollit në veturë është gjetur një thikë. Bluza dhe thika janë sekuestruar, ndërsa i dyshuari pas inicimit të rastit me vendim të prokurorit është liruar në procedurë të rregullt”, thuhet në raportin 24 orësh të Policisë së Kosovës./Arbresh.info