Arrestohet një serb në Leposaviq, postoi në rrjetet sociale fotografi me armë në dorë

08:53 | 12 Tetor 2023
E.H

Është arrestuar një serb në Leposaviq për shkak se kishte postuar në rrjetet sociale një fotografi me armë në dorë, raporton Policia e Kosovës.

Sipas Policisë, është kontrolluar shtëpia e të dyshuarit por nuk është gjetur asgjë e dyshimtë, përcjell Arbresh.info.

Pas intervistimit me vendim të prokurorit i dyshuari është dërguar në mbajtje.

“Leposaviq 11.10.2023 – 07:55. Është arrestuar i dyshuari serb kosovar për shkak se në rrjete sociale kishte postuar foto me armë në dorë. Është bërë kontrolli i shtëpisë së të dyshuarit por nuk është gjetur diçka e dyshuar. Me vendim të prokurorit i dyshuari pas intervistimit me vendim të prokurorit është dërguar në mbajtje”, thuhet në raportin 24 orësh të Policisë së Kosovës./Arbresh.info