Kryeministri i Kosovës, Albin Kurti ka përkujtuar protestën studentoire të 1 tetorit 1997 duke thënë se protesta theu një heshtje dhe frikë të gjatë dhe popullit nisi t’i rikthehej guximi e dinjiteti.

Me anë të një postimi në Facebook, Kurti tha se në këtë datë studentët shprehën vullnetin e dëshirën për liri, shkruan Arbresh.info.

“Ne, marshuam paqësisht, për lirimin e hapësirave të ndaluara të kampusit universitar, drejt rrugës për arsim e edukim të lirë, të drejta të patjetërsueshme, liri e pavarësi. Nderim e përulësi për secilin që ka kontribuar, që guxoi e nuk qëndroi duarkryq kundrejt shtypjes, padrejtësisë e okupimit serb.”, u shpreh Kurti.

Në këtë datë Kurti ka bërë homazhe tek varri i profesor Ejup Statovcit, bashkë me ish-studentë e pjesëmarrës në marshimin për liri.

“Profesor Statovci ishte udhëheqës e prijës bashkë me studentët dhe organizatën e tyre gjithëpërfshirëse, Unionin e Pavarur të Studentëve të Universitetit të Prishtinës – UPSUP. Studentët, nuk ishin vetëm. Vepra e kontributi i tij i jashtëzakonshëm na frymëzoi të gjithëve. Universiteti i Prishtinës u ringjall ndonëse nën okupim dhe u bë institucioni i cili udhëheqte me rezistencën e atëhershme.”, ka shkruar Kurti.

Ndër të tjera, kryeministri Kurti ka përkujtuar edhe ish rektorin Zenel Kelmendi, i cili ndërroi jetë në gushtin e këtij viti.

“i ishte një udhëheqës i vendosur i Universitetit në vitet e para pas luftës, duke pasuar si rektor punën e profesor Statovcit dhe fuqizuar themelet e Universitetit të Prishtinës.”, tha ai. /Arbresh.info