Kryeministri i Kosovës, Albin Kurti ka vizituar policin e plagosur nga sulmet e mëngjesit të sotëm në veri të vendit nga grupet kriminale serbe.

Siç shkruan Kurti në Facebook, polici i plagosur, Alban Rashiti ka kryer me sukses operacionin e heqjes së predhës nga kraharori i majtë, transmeton Arbresh.info.

Trajtimi i policit është bërë në QKUK dhe ai do të lirohet sot nga spitali.

“Operacioni i heqjes së predhës nga krahërori i majtë i policit Alban Rashiti është kryer me sukses sot në mëngjes. Predha ishte e një granate dore që e hodhën kriminelët e orkestruar nga Serbia në drejtim të policisë së Kosovës gjatë sulmit të tyre terrorist afër urës në Banjskë të Zveçanit. Gjatë vizitës në Klinikën Kirurgjike të QKUK-së takova edhe familjen e Albanit e cila erdhi nga Velekinca e Gjilanit. Polici i plagosur Alban Rashiti do të lirohet sot nga spitali”, ka shkruar i pari i ekzekutivit kosovarë./Arbresh.info

Ndryshe, sot në orët e para të mëngjesit gjatë një sulmi me armë në Bërnjak është vrarë një pjesëtar i Policisë së Kosovës dhe është plagosur një tjetër.

Ky sulm, ka nxitur reagime të shumta, si dhe nga ora 10:00 do të mblidhet Këshilli i Sigurisë së Kosovës./Arbresh.info

lexo edhe:

Detaje nga vrasja e një polici në veri dhe plagosja e një tjetri