Mbretëria e Bashkuar ka shpërndarë deklaratën e Bashkimit Evropian ku thuhet se BE-ja është e shqetësuar për mungesën e progresit në dialogun Kosovë-Serbi dhe në të cilën bëhet thirrje për themelimin pa vonesë të Asociacionit të Komunave me Shumicë Serbe ashtu si dhe mbajtjen e zgjedhjeve të parakohshme në komunat veriore.

Me anë të një postimi në platformën “X”, Ambasada Britanike ka thënë se qëndron pas këtij apeli të qartë të 27-vendeve anëtare të BE-së që Kosova dhe Serbia të angazhohen në mënyrë konstruktive dhe pa vonesa të mëtejshme, shkruan Arbresh.info.

“Mbretëria e Bashkuar qëndron pas këtij apeli të qartë nga 27 vendet e BE-së që Kosova dhe Serbia të angazhohen në mënyrë konstruktive dhe të sinqertë pa vonesa të mëtejshme”, thuhet në postimin e ambasadës britanike./Arbresh.info.

?? stands behind this clear appeal from the ??27 for ?? and ?? to engage constructively and sincerely without further delay.https://t.co/VBdIKFDGwJ

— UK in Kosovo ?? (@UKinKosovo) September 19, 2023