Skuadra FC Phoenix sot ka zyrtarizuar trajnerin e tyre të rijnë, Faruk Statovci.

Statovci tanimë do të jetë në krye të skuadrës së Phoenix-it, të cilët aktualisht luajnë në Ligën e Parë të Kosovës, ndërsa rezultatet në katër xhirot e fundit skuadra nga Banja Peja ka arritur dy humbje dhe dy barazime, shkruan arbresh.info

Postimi i plotë:

Përshëndetje, Tifozë dhe antarë të klubit FC Phoenix

Sot, klubi ynë është krenar të prezantojë trajnerin e ri, Faruk Statovci, një trajner i njohur i cili ka udhëhequr shumë skuadra të futbollit në Kosovë. Kjo është një marrëveshje e rëndësishme për klubin tonë, e arritur me angazhimin e presidentit Muhedin Ferati dhe nën-presidentit Lulzim Shoshi.

Me trajnerin  Faruk Statovci në drejtim, klubin tonë po e presin sfida emocionuese. Urojmë mireseardhjen e tij dhe i dëshirojmë shumë sukses në këtë aventurë të re. Forca dhe pasioni për futbollin do të na udhëheqin drejt suksesit në të ardhmen!”. /arbresh.info/