Një veturë me targa të Serbisë është ndaluar dje nga Policia e Kosovës në Uglare, pasi dyshohet se vetura ka hyrë ilegalisht në territorin e Republikës së Kosovës.

Sipas Policisë, në veturë ndodheshin dy persona, një shtetas i Kosovës dhe tjetri i Serbisë.

Prokurori i rastit ka rekomanduar që ndaj të dyshuarve të iniciohet vepra penale ‘Kalimi i paautorizuar i kufirit” dhe të procedohet në procedurë të rregullt.

“Uglare 17.09.2023 – 16:10. Njësitë policore kanë ndaluar një veturë me targa të Serbisë me drejtues të dyshuarin mashkull kosovar, veturë në të cilën ka qenë edhe një pasagjer i dyshuar mashkull shtetas i Serbisë. Dyshohet se vetura është futur në territorin e Republikës së Kosovës duke iu shmangur pikë kalimeve të rregullta kufitare. Lidhur me rastin është konsultuar prokurori i shtetit i cili ka rekomanduar që ndaj të dyshuarve të iniciohet rasti i lartcekur dhe të procedohet në procedurë të rregullt”, thuhet në raportin 24 orësh të Policisë së Kosovës./Arbresh.info