Qendra Kryesore e Mjekësisë Familjare “Nagip Rexhepi” në Gjilan, është pajisur me aparaturë të re për pacientët të cilët vuajnë nga sëmundja e diabetit.

Siç njofton QKMF në Gjilan, për herë të parë ofrohet ky shërbim për pacientët me diabet, përmes aparatit për testim të hemoglobinës së glukozuar, e cila mundëson diagnostikimin e sëmundjes së diabetit si dhe tregon nivelin mesatar të sheqerit në gjak gjatë tre muajve të fundit.

Kështu ka bërë të ditur kryetari i Komunës, Alban Hyseni.

Ai ka thënë se përpos kësaj, QKMF është pajisur edhe me çanta me pajisje të reja mjekësore si: tensiometër, otoskop, oftalmoskop, termometër, glukometër e dhjetëra pajisje të reja.

“Vazhdojmë me ndryshime në sistemin shëndetësor”, është shprehur kryetari i Gjilanit./Arbresh.info/