Kongresisti republikan i Shteteve të Bashkuara të Amerikës, Michael Turner ka thënë se ShBA së bashku me partnerët evropianë janë duke punuar për të gjetur një zgjidhje për çështjen  mes Kosovës dhe Serbisë.

“Qëllimi im i parë është njohja e marrëdhënieve dypalëshe ndërmjet Serbisë dhe Shteteve të Bashkuara. Ekziston një partneritet midis Gardës Kombëtare të Ohajos dhe Ushtrisë Serbe. Sigurisht, ka çështje të hapura në rajon.

“Kam biseduar me presidentin për Bosnjën, Kosovën, në cilat çështje duhet të fokusohen SHBA-të dhe si mund të kontribuojmë ne” – ka thënë Turner për mediumin serb RTS, përcjell arbresh.info.

Kongresisiti  ka theksuar poashtu edhe punën e përbashkët e bashkëisë ndërkombëtare për gjetjen e një zjidhje për Kosovën.

“Mendoj se gjëja më e rëndësishme është që bashkësia ndërkombëtare të punojë së bashku, si BE-ja dhe SHBA-ja, dhe të sigurohemi që partnerët tanë të gjejnë një zgjidhje së bashku, dhe kjo është ajo që Amerika do të vazhdojë të bëjë. Udhëtimi im këtu nuk ka të bëjë me Kosovën. Udhëtimi im ka të bëjë me rajonin”. /arbresh.info/