Kurti: Nga shtatori tetë profile të reja në arsimin dual

22:25 | 9 Gusht 2023
E.G

Kryeministri i Kosovës, Albin Kurti ka njoftuar se nga shtatori do të hapen tetë profile të reja në arsimin dual.

Përmes një postimi në Facebook, Kurti bëri të ditura profilet e reja, shkruan Arbresh.info.

“Nga shtatori 8 profile të reja në arsimin dual: Rrobaqepësi, Automekanik, Metal përpunues, Përpunues i drurit, Instalues i ngrohjes dhe klimatizimit, Instalues elektrik, Tregti me shumicë dhe pakicë, Estetist.”, njoftoi Kurti.

Këto profile të reja do të jenë në mesin e profileve si kuzhinier, asistent i mikpritjes hoteliere (kamarier), floktar e murator, nga viti i ardhshëm shkollor, njoftoi shefi i ekzekutivit.

“Tashmë po zgjerohemi në 21 shkolla në 13 komuna të ndryshme, me 12 profile.”, tha kryeministri Kurti./Arbresh.info.