Murati: Kosova me nivelin më të ulët të borxhit shtetëtor në Evropë

16:04 | 6 Gusht 2023
E.G

Minsitri i Financave, Punëve dhe Transfereve, Hekuran Murati ka bërë të ditur se Kosova është bërë shteti në nivelin më të ulët të borxhit shtetrëror në Evropë.

Sipas Muratit, kjo vjen falë dispilinës e mirëmenaxhimit të parasë publike, shkruan Arbresh.info.

“Falë disiplinës fiskale e mirëmenaxhimit të parasë publike, kemi arritur që të ndryshojmë trendin e borxhit shtetëror duke e kthyer sërish në nivele të para-pandemisë.”, ka shkruar Murati në Facebook.

Murati ka shkruar se një konsolidim i tillë është vlerësuar edhe nga institucionet ndërkombëtare.

‘Ky konsolidim së pari e mban nën kontroll koston e kamatave, sepse sa më pak borxh aq më pak pagesë e kamatave, dhe së dyti na mundëson kushte më të favorshme financimi për huamarrjet e reja në krahasim me të tjerët, sepse kemi dëshmuar qëndrueshmëri dhe mirëshpenzim të parasë publike.”, përfundoi Murati./Arbresh.info.