Rafael Leao është i fokusuar në fitimin e gjërave të mëdha në AC Milan pasi nënshkroi një kontratë të re në “San Siro” muajin e kaluar.

Anësori portugez ishte një nga emrat më të kërkuar në Evropë pas një sezoni jashtëzakonisht mbresëlënës 2022-23 në Milano, transmeton Arbresh.info.

Sulmuesi elektrik shënoi 16 gola dhe asistoi në 15 të tjerë, në të gjitha garat.

Ai vendosi të qëndrojë te “kuqezinjtë:, duke vënë në letër një marrëveshje të re muajin e kaluar, pavarësisht se klube si Chelsea, PSG dhe Manchester United thuhet se janë të interesuar.

Duke folur për ESPN, 24-vjeçari shpjegoi arsyet e tij për të qëndruar në vend, duke thënë:

“Kam qëndruar sepse ata më ndihmuan të arrij objektivat e mia, ne fituam Scudetton së bashku dhe ky klub më lejoi të rritesha si lojtar. Ndihem i pjekur, ndihem si lider i ekipit tim. Mendoj se ky është klubi i duhur për të vazhduar karrierën time dhe për të arritur më shumë objektiva, si fitimi i Champions League apo Topi i Artë”.

AC Milan fillon më 21 gusht në ndeshjen e parë të Serie A kundër Bologna./Arbresh.info/