Kryeministri i vendit, Albin Kurti u ka bërë thirrje investitorëve të marrin pjesë në ankandin e parë të Kosovës në energji solare.

Me anë të një postimi në Twitter, Kurti theksoi se Qeveria garanton proces të drejtë dhe transparent, shkruan Arbresh.info.

“Ne ftojmë investitorët në ankandin e parë në Kosovë, të PV diellore 100 MW, të cilin e kemi nisur me mbështetjen e USAID. Qeveria jonë garanton një proces të drejtë dhe transparent, si dhe kritere tërheqëse, përfshirë tokë publike me 15 vjet të garantuara APP, qira 30-vjeçare dhe lidhje afër rrjetit”, ka shkruar Kurti.

Nëpërmjet këtij ankandi pritet që të bëhet instalimi i paneleve me kapacitet të prodhimit të 100 megavatëve të energjisë solare, në një vlerë prej 75 milionë eurosh.

We invite investors to ??’s first 100 MW solar PV auction, which we’ve launched w/ the support of @USAID. Our Govt guarantees a fair & transparent process as well as attractive criteria, incl. public land w/ 15 years guaranteed PPA, a 30-year lease, and a nearby grid connection! pic.twitter.com/uzrWWW9H3V

— Albin Kurti (@albinkurti) July 23, 2023