Ylli i PSG-së, Neymar është i sigurt se ish-bashkëlojtari i tij Lionel Messi bëri zgjedhjen e duhur duke nënshkruar për Inter Miamin.

Braziliani e pranoi se argjentinasi nuk ishte i lumtur në Paris gjatë dy viteve të fundit.

Në një intervistë për gazetarin Casimiro Miguel, Neymar deklaroi: “Ai ka fituar gjithçka. Familja e tij ishte prekur nga këto dy vitet te PSG. E kuptoj dhe po shkon te një vend ku do të mirëpritet më së miri”.

“Ai do ta jetojë një jetë komplet ndryshe dhe familja e tij do të ndihet shumë mirë në Miami. Ishte zgjidhja e duhur. Ishin dy vite të vështira së bashku”.

Ndërkohë, për problemet e PSG-së në Ligën e Kampionëve, Neymar e krahasoi me “Galaktikët” e Real Madridit që gjithashtu dështuan.

“Galaktikët e Real Madridit nuk e fituan Ligën e Kampionëve. Kishim skuadër të fortë. Messi, Mbappe dhe unë jemi më të mirët në botë, e dimë këtë por fatkeqësisht nuk ndodhi”./rtk