Harry Maguire është gati të largohet nga Manchester United pasi i është hequr shiriti i kapitenit.

SunSport kupton se mbrojtësi ishte i zemëruar, i tronditur dhe i mërzitur kur trajneri Erik ten Hag i konfirmoi vendimin në terrenin stërvitor.

Trajneri holandez e ka lënë rregullisht Maguiren në stol dhe mbrojtësi tani pranon se mund të jetë koha për t’u larguar.

Ten Hag merr vendim zyrtar ndaj Harry Maguires.

Mbrojtësi 30 vjeçar e di se koha e tij në Old Trafford ka mbaruar me West Ham, Tottenham dhe Newcastle, ndërsa Chelsea po mendon gjithashtu të hyjë në garë për transferimin e tij.

Mbrojtësi anglez u bashkua nga Leicester në vitin 2019 për 89 milionë euro, por humbi vendin e tij nën Ten Hag sezonin e kaluar.

Gjysma e klubeve të Ligës Premier u përpoqën ta nënshkruajnë atë në huazim në janar dhe, ndërsa United ka vendosur një çmim ambicioz prej 560 milionë euro, ka të ngjarë të bjerë në 40 milionë. /Telegrafi/