Komuna e Prishtinës njofton gastronomet kosovarë se ka filluar faza testuese për ndotjet akustike.

Në njoftim thuhet se niveli i lejuar i zhurmës për sektorin e gastronomisë është deri me datën 20 korrik, shkruan Arbresh.info.

Pas kësaj date, do të ndëshkohen të gjitha ato biznese të cilat nuk kanë përfunduar procesin e kryerjes së pagesës të aplikimit.

Njoftimi i plotë:

Ju informojme se prej sot ka filluar faza testuese e aplikacionit për ndotjen akustike.

Secili person fizik ka mundësinë e kyqjes në ketë aplikacion dhe të informohet rreth decibelëve të lejuar në lokalet që janë instaluar paisjet deri më tani.

Po ashtu ju njoftojmë se afati i fundit për aplikimin e certifikatës të orarit të punës, dhe nivelin e lejuar të zhurmës për sektorin e gastronomisë është deri më datën 20 Korrik 2023, dhe pas kësaj date do të ndëshkohen të gjitha ato biznese të cilat nuk kanë përfunduar procesin e kryerjes së pagesës të aplikimit!

Faza testuese do të zgjasë deri më 1 Gusht 2023, ku pas kësaj date do të fillojnë ndëshkimet për subjektet të cilat i kanë tejkaluar decibelët apo orarin e punës./Arbresh.info/