Komuna braziliane e Mangaratiba njoftoi të hënën se ka gjobitur futbollistin Neymar për punën që ka bërë në shtëpinë e tij në plazh të Rio de Janeiros.

Gjoba është vendosur në 16 milionë realë apo 3 milionë euro dhe ka të bëjë me ndërtimin e një liqeni artificial në kopshtet e gjera të rezidencës, ku aktualisht po pushon lojtari i kombëtares braziliane dhe PSG-s.

Dy javë më parë, rezidenca u vizitua nga autoritetet mjedisore, të cilët zbuluan disa parregullsi, ndaluan punimet dhe ndaluan krijimin e liqenit.

Megjithatë, ky ishte një vendim me të cilin Neymar nuk arriti ta zbatonte, sipas videove të publikuara në internet me imazhet e një feste që ai mbajti disa ditë më vonë.

Ndër parregullsitë e konstatuara ishin devijimi i rrjedhës së përrenjve, nxjerrja e paautorizuar e ujit nga një lumë, gërmimet e ndaluara, lëvizja e parregullt e shkëmbinjve dhe dheut, si dhe përdorimi i rërës nga plazhi pranë shtëpisë./Arbresh.info/