Kryetari i AAK-së, Ramush Haradinaj, ka reaguar pas masave të ndërmarra nga BE-ja për Kosovën.

Sot është hyrë në fuqi disa masa për Kosovën për shkak të mos marrjes së veprime për de-eskalim të situatës në Veri të Kosovës, shkruan Arbresh.info.

Për këto masa ka folur edhe Haradinaj, i cili ky i fundit ka kërkuar mbështetjen e opozitës dhe deputetëve të shumicës për jetësimin e mocionit ndaj qeverisë.

Ai tha se me kryeministrin e vendit, Albin Kurtin, Kosova po hyn në një rrugë pa krye dhe se sipas tij, sot është koha të veprohet.

“Sanksionet e BE-së ndaj Kosovës dhe paralajmërimet e SHBA-së se Qeveria e Kosovës është në rrugë të gabuar, e dëshmojnë se sa e rrezikshme dhe e pashpresë është gjendja, e cila fatkeqësisht do të shkojë duke u përkeqësuar gjithnjë e më shumë”.

“Prandaj sot është koha të veprohet dhe të bashkohen të gjithë ata që interes parësor e kanë Kosovën, qofshin në opozitë ose edhe deputetë të shumicës, e ta jetësojnë mocionin për shkarkimin e kësaj Qeverie”, tha Haradinaj.

Sipas tij, “mocioni për shkarkimin e Albin Kurtit, sot është interes kombëtar”, shkroi Haradinaj në Facebook./Arbresh.info/