Bajrami paralajmëron Çekinë pas fitores ndaj Ishujve Faroe

23:43 | 20 Qershor 2023
Orgesa Haziri

Shqipëria ka vazhduar me fitore në ndeshjen e vlefshme për kualifikueset e Kampionatit Europian “Gjermani 2024”.

Skuadra e Sylvinhos fitoi ndeshjen e dytë radhazi duke i mposhtur Ishujt Faroe, me rezultat 1:3.

Nedim Bajrami pas fitores ka paralajmëruar Republikën Çeke.

“Po, jam shumë i lumtur që shënova edhe sot. Por më rëndësi kanë 3 pikët. Nuk u dorëzuam dhe ia dolëm. Nuk është lehtë të luash këtu, janë një skuadër shumë fizike. Në pjesën e dytë krijuam shumë raste, shënuam dhe morëm 3 pikët. Kjo ka rëndësi. Ishujt bëjnë shumë presing, rëndësi ka që morëm pikët maksimale. Çekia? Të përgatitemi shumë mirë. Kemi pushime, kur të kthehemi duhet të japim maksimumin për Kombëtaren. Të marrim fitore ose një pikë për Shqipërinë”, deklaroi Nedim Bajrami.

Shqipëria përballet me Republikën çeke më shtatë shtator./Arbresh.info/