Pep Guardiola është emëruar trajneri i sezonit 2022/23 në Premier League.

Trajneri i Cityt e ka marrë çmimin për herë të katërt në sezonin e tij të shtatë në “Etihad Stadium”.

Ai e udhëhoqi Cityn drejt titullit të tretë radhazi në Premier League dhe të pestin në gjashtë vjet, si dhe siguroi vende në finalen e FA Cup dhe Champions League.

Pasi Arsenali kryesoi për pjesën më të madhe të sezonit, City fitoi titullin me tre ndeshje të lira pas një serie prej 12 fitoresh.

Guardiola gjithashtu fitoi çmimin pas fushatave fituese të titullit në 2017/18, 2018/19 dhe 2020/21.

Mikel Arteta (Arsenal), Roberto De Zerbi (Brighton), Unai Emery (Aston Villa), Eddie Howe (Newcastle United) dhe Marco Silva (Fulham) ishin gjithashtu në listën e ngushtë për këtë nder.

Guardiola është vetëm trajneri i dytë në historinë e Premier League që ka fituar më shumë se tre çmime pas Sir Alex Ferguson të Manchester United./Arbresh.info/