Dukagjini ka mposhtur bindshëm Trepçën 89 në kuadër të xhiros së 35 në Superligën e Kosovës në futboll.

Dukagjini fitoi me rezultat 3:1, duke i siguruar pikët që në pjesën e parë.

Marclei Santos e hapi rezultatin me një gol të hershëm në minutën e tetë, kurse Otto John e dyfishoi epërsinë gjashtë minuta më vonë për t’ia dhënë sigurinë vendasve.

Altin Merlaku e vulosi fitoren, duke shënuar në minutën e 52-të.

Trepça 89 me Erdin Dushin e ngushtoi epërsinë, por që nuk ishte e mjaftueshme për të shmangur humbjen.

Skuadra nga Mitrovica rrezikon rënien nga Superliga, pasi gjendet në vendin e parafundit dhe me vetëm një ndeshje të mbetur është një pikë larg barazhit.

Derisa, Dukagjini po lufton për vendin e tretë, pas ka 50 pikë.

Prishtina me lehtësi ka mposhtur Drenicën, me rezultat 4:1.

Leotrim Kryeziu dhe Hasan Hyseni shënuan nga një gol në 20 minutat e parë për 2:0.

Por, Besfort Dervishaj e ngushtoi epërsinë në 2:1.

Endrit Krasniqi e Albin Prapashtica shënuan në pjesën e dytë për rezultatin përfundimtar 4:1.

Prishtina mbetet në vendin e katërt, kurse Drenica të fundit.

Llapi e Gjilani kanë barazuar 2:2.

Trimror Selimi e Alef Firmino shënuan për Llapin, kurse Mevlan Zeka gjeti golin dy herë për Gjilanin.

Gjilani mbete në vendin e tretë, derisa Llapi renditet i shtati./Arbresh.info/