Të hënën nis “Defender 23”, Rama: Shqipëria do të luajë rol kyç në këtë stërvitje

12:38 | 18 Maj 2023
A Z

Kryeministri i Shqipërisë, Edi Rama, ka bërë të ditur se do të nis stërvitja e përbashkët shumëkombëshe drejtuar nga Komanda Europiane e ShBA.

Rama ka thënë se përmes kësaj stërvitje do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s.

“NIS NË SHQIPËRI stërvitja e përbashkët shumëkombëshe drejtuar nga Komanda Europiane e SHBA, ku do të demonstrohen aftësitë ndërvepruese të Shteteve të Bashkuara me ushtritë aleate dhe partnere të NATO-s?
Shqipëria, si partner i besueshëm dhe si nyje strategjike e sigurisë rajonale, do të luajë një rol kyç në këtë stërvitje të rëndësishme, duke treguar angazhimin e saj maksimal për paqen dhe stabilitetin në rajon”, ka shkruar Rama në Facebook./Arbresh.info/