Kryetari i AAK-së, Ramush Haradinaj sot ka përkujtuar dëshmorët e Deçanit të rënë për liri.

Përmes një postimi në Facebook, Haradinaj ka thënë se sot kur përkujtohen heronjtë dhe martirët nga Komuna e Deçanit, në vendet ku pushojnë ata dhe në takim me familjet e dëshmorëve u bashkuam për të nderuar veprën heroike të luftëtarëve të zotë të UÇK-së, sakrificën e tyre sublime për liri.

Po ashtu ai në përvjetorin e rënies së vëllait të tij të ndjerë Luan Haradinaj, tha se Luani ishte ndër të parët që bashkë me trimat e tjerë dhanë gjithçka për lirinë e kësaj toke.

“Nderuam veprimtarin e çështjes kombëtare, Smajl Haradinaj dhe Heroin e Kosovës, Gjeneral Major Luan Haradinaj në përvjetorin e rënies së tij. Nga brezi i luftëtarëve të UÇK-së, Luani ishte ndër të parët që bashkë me trimat e tjerë dhanë gjithçka për lirinë e kësaj toke”, tha Haradinaj.

“Sot e për mot nderojmë veprën e gjithë luftëtarëve e atdhetarëve shqiptarë nga të gjitha periudhat historike!Vepra e tyre mbetet frymëzim për të gjitha brezat. Lavdi!”, ka shkruar Haradinaj./Arbresh.info/