Ministrja e Drejtësisë, Albulena Haxhiu, në një intervistë për ‘Arbresh.info’ ka folur për rrugëtimin, ngecjet dhe zhvillimin e procesit të vettingut në sistemin e drejtësisë, që do të ishte njëra nga reformat më të mëdha në sistemin e drejtësisë.

Ky proces po thuajse i nisur që nga formimi i Qeverisë së drejtuar nga Albin Kurti, sipas ministres Haxhiu, ka zgjatur edhe pse sipas saj, nga ana e MD-së kjo pako e vettingut është proceduar në Kuvendin e Kosovës në gushtin e vitit të kaluar

Po ashtu, sipas saj, në dhjetor të vitit 2022, është formuar Komisioni ad-hoc, që ka përfunduar shqyrtimin e amendamenteve kushtetuese.

Haxhiu tregon se pas përfundimit të punës së Komisionit ad-hoc në raport me amendamentet, kryetari i Kuvendit ka qenë i obliguar që amendamentet kushtetuese t’i dërgojë në Gjykatën Kushtetuese për mendim dhe tashmë sipas saj, i kanë dërguar komentet mbi çështjen e amendamenteve kushtetuese.

Po ashtu, ministrja Haxhiu thotë se përfundimi i procesit për themelimin e vettiungut, si edhe çdo nisëm për sundim të ligjit dhe për reforma në drejtësi nga Qeverisë Kurti, opozita vazhdimisht ka tendencë dhe bën rezistencë për jetësimin e këtyre reformave.

Haxhiu si ministre tregon se shefi i Grupit Parlamentar të Partisë Demokratike të Kosovës (PDK), Abelard Tahiri, i ka kundërshtuar amendamentet si të tilla në Gjykatën Kushtetuese.

E kjo qasje, sipas saj është e pa drejtë.

Haxhiu mendon që ka një tendencë nga opozita që ta bëjnë sistemin e drejtësisë jo të pavarur dhe jofunksional.

Edhe pse ka shpresë që ky proces do të përfundojë, Haxhiu pret që brenda këtij viti të formohet komisioni, apo autoriteti kalimtar i vlerësimit, e pastaj të nis vlerësimi i integritetit të niveleve të larta të sistemit të drejtësisë.

Ministrja Haxhiu, në fund uron dhe kërkon nga Gjykata Kushtetuese, amendamentet për Vettingun të mos e kenë fatin e ligjit për KPK-në dhe të Projektligjit për Byronë, të cilët ende po trajtohen nga Gjykata Kushtetuese, sepse sipas saj, kështu vonohen reformat./Arbresh.info/Pleurat Salihu/

Intervista e plotë