Sot shënohet Dita e Tokës, andaj në këtë rast edhe kryeministri Albin Kurti, ka lobuar për Kosovën, që të ketë të drejtën në dialog dhe qasje në fondet e OKB-së për ndryshime klimatike.

Përmes një postimi në Facebook, ai ka thënë se kjo ditë shërben për të rritur ndërgjegjësimin për kujdesin dhe ruajtjen e mjedisit, shkruan arbresh.info.

Tutje, ai ka thënë se vendi ynë është në rrugën e drejtë të mbrojtjes së mjedisit dhe krijimin e një ekonomie të shëndoshë dhe të qëndrueshme.

“Politikat tona inovative për zhvillim dhe krijimin e vendeve të reja të punës dhe ato për mbrojtjen e mjedisit plotësojnë njëra-tjetrën. Investimet që po bëjmë në energjinë e rinovueshme si projekti Solar 100MË në KEK, projekti për rezervë akumuluese me kapacitetin më të madh në Evropë, projektin e parë në Ballkan për ngrohje qendrore me panele solare, e shumë projekte tjera që kemi në plan, do të ndihmojnë në reduktimin e emetimeve të gazrave serë”, ka thënë ai.

Megjithëkëtë, ai tha se edhe pse Kosova ende nuk ka arritur që të bëhet pjesë e Konventës së Kombeve të Bashkuara për Ndryshime Klimatike, ajo çdo ditë e më shumë po dëshmon vetëm për vendosmërinë e saj për të ta mbrojtur tokën.

“Sot, jemi të lumtur t’ju njoftojmë se po hapim thirrjen në shumë rreth 2 milionë euro për mbështetjen e komunave në politikat për klimën, energjinë dhe infrastrukturën e qëndrueshme, zhvillimin lokal përmes konceptit të ekonomisë qarkore, lëvizshmërinë dhe rritjen e kapaciteteve të transportit publik me shkallë të ulët të emetimit, mbrojtjes së natyrës dhe biodiversitetit, zhvillimin e sistemeve të qëndrueshme të ushqimit dhe transformimin digjital”, shtoi ai./Arbresh.info/