Kryetari i Partisë Demokratike të Kosovës, Memli Krasniqi ka përkujtuar heroin Agim Ramadani, në 24 vjetorin e rënies.

Krasniqi, me anë të një postimi në Facebook ka thënë se Agimi u flijua për thyerjen e kufirit shqiptaro-shqiptar dhe që ky kufi mos të mbyllet më, përcjell Arbresh.info.

“Duke i prirë një prej betejave më të rëndësishme të luftës çlirimtare, asaj për thyerjen e kufirit shqiptaro-shqiptar, Agimi u flijua edhe vet që ai kufi të mos mbyllet më. Përmes jetës dhe veprës, si poet e patriot, Agimi dha shembullin e veçantë se si duhet dhe mbrohet Atdheu. Sot, përmes vargjeve dhe luftës së tij, ai jeton në zemrat e secilit shqiptar atdhedashës”, ka shkruar Krasniqi.

“Lavdi të gjithë dëshmorëve të betejës së Koshares, bashkëluftëtarëve të Agimit, që për asnjë moment nuk u stepën në rrugën e shenjtë të lirisë!”, tha në fund i pari i PDK-së./Arbresh.info/