Dy shtetas të Shqipërisë janë arrestuar sot në Gjakovë pasi në veturën në të cilën ndodheshin, iu gjetën rreth 5 kg substancë narkotike që dyshohet të jetë marihuanë.

Policia njofton se rreth orës 20:30 në rrugën Ponoshec-Gjakovë ka ndaluar veturën në fjalë  me targa të Shqipërisë për kontroll, përcjell Arbresh.info.

Rastin janë duke e trajtuar njësitet përkatëse policore.

Njoftimi i plotë:

Gjatë realizimit të detyrave policore, policia e rajonit të Gjakovës, sonte rreth orës 20:30 në rrugën Ponoshec-Gjakovë ka ndaluar për kontroll një veturë me targa të Shqipërisë. Gjatë kontrollit në veturë janë gjetur rreth 5 kg substancë që dyshohet të jetë marihuanë. Policia ka arrestuar dy të dyshuar, shtetas të Shqipërisë. Rastin janë duke e trajtuar njësitet përkatëse policore./Arbresh.info/