Marco Silva thuhet se është shfaqur si një kandidat surprizë për të marrë vendin e trajnerit të Chelsea, pasi Graham Potter u shkarkua të dielën mbrëma.

Kryetari i Bluve, Todd Boehly i dha fund qëndrimit të Potterit në Londrën perëndimore pas humbjes zhgënjyese 2-0 në shtëpi ndaj Aston Villas të shtunën mbrëma.

Rezultati e la Chelsean në vendin e 11-të në tabelë dhe, ndeshja e parë çerekfinale në Ligën e Kampionëve ndaj Real Madridit e ka detyruar Boehlyn të veprojë.

Graham Potter u shkarkua nga posti i trajnerit të Chelseat të dielën pas humbjes 2-0 ndaj Aston Villa.

Një numër i trajnerëve më të mirë të Evropës tashmë janë lidhur me pozicionin vakant, megjithatë një kandidat befasues nga Liga Premier është shfaqur gjithashtu.

Sipas The Mirror, trajneri i Fulhamit, Silva ka admirues në Stamford Bridge dhe është një nga kandidatët kryesorë për të zëvendësuar Potterin.

Strategu portugez ka ndihmuar Fulhamin të ngjitet lartë në tabelë, me skuadrën e tij që qëndron një vend mbi rivalët e tyre në Londrën perëndimore.

Trajneri i Fulhamit, Silva, e ka udhëhequr skuadrën e tij në vendin e 10-të në tabelë, në sezonin e tyre të parë të kthimit në ligën e parë.

Silva, i cili ka drejtuar më parë Hull Cityn, Evertonin dhe Ëatfordin, mori drejtimin e Cottagers pasi ranë nga kategoria dhe ka ndihmuar ata të rikthehen në elitën e futbollit anglez.

E njëjta media pretendon se Julian Nagelsmann dhe Mauricio Pochettino gjithashtu mbeten në garë për të marrë drejtimin e Chelseat.