Linda Çavdarbasha ka njoftuar zyrtarisht se ka dhënë dorëheqje nga posti i zëvendësministres në Ministrinë e Mjedisit, Planifikimit Hapësinor dhe Infrastrukturës.

Çavdarbasha përmes një shkrimi në “Facebook”, ka thënë se ka dhënë dorëheqje të enjten, dhe për këtë e ka njoftuar edhe shefin e Qeverisë, Albin Kurti.

Dorëheqja, sipas saj, ka ardhur për arsye të vazhdimit të karrierës profesionale.

Postimi i saj i plotë pa ndërhyrje:

“Ju njoftoj se nga dje 31.03.2023, nuk do të jem më pjesë e Kabinetit në Ministrinë e Mjedisit, Planifikimit Hapësinor dhe Infrastrukturës në pozitën e zëvëndësministres.
Ditën e enjte, kam dhënë dorëheqje dhe për këtë e kam njoftuar Kryeministrin Kurti.
Dorëheqja është bërë për arsye të vazhdimit të karrieres sime profesionale.
Dua të falënderoj secilin prej jush për bashkëpunimin gjatë këtyre dy viteve”. /Arbresh.info/