Pierre-Emerick Aubameyang kërkon t’i bashkohet Barcelonës, por Chelsea nuk dëshiron ta shesë atë te skuadra e La Ligas.

Skuadra nga Londra shpenzoi 10 milionë funte për ta transferuar sulmuesin në “Stamford Bridge” verën e kaluar, një lëvizje që pa Marcos Alonso të shkonte në drejtimin e kundërt.

Megjithatë, Aubameyang nuk i ka përmbushur pritshmëritë, duke shënuar tre herë në 18 paraqitje në të gjitha garat.

Sipas GOAL, 33-vjeçari është i “dëshpëruar” të kthehet në Camp Nou për të ringjallur karrierën e tij, por Chelsea nuk do ta bëjë të lehtë për të.

Në të vërtetë, është raportuar se drejtuesit e klubit mbetën të zemëruar nga vizita e Aubameyang në “Camp Nou” për të parë “El Clasicon” para pushimit ndërkombëtar.

Chelsea mori oferta nga MLS për Aubameyang në janar, por një transferim në fund nuk u realizua.

Opsioni i një ndërprerjeje të mundshme të kontratës nuk besohet të jetë real, pasi Chelsea është e bindur se do të marrë oferta për Aubameyang – kontrata e të cilit zgjat deri në vitin 2024 – në verë.

Raportohet se Interi është i prirur për të nënshkruar me të, por zgjedhja e preferuar e lojtarit mbetet Barcelona./Arbresh.info/