Presidenti i ShBA-ve, Joe Biden dhe zonja e Parë, Jill Biden i kanë uruar myslimanëve në mbarë botën fillimin e muajit të Ramazanit.

“Sot, Jill dhe unë u shprehim urimet tona më të mira komuniteteve myslimane në të gjithë vendin dhe në mbarë botën ndërsa ata fillojnë muajin e shenjtë islamik të Ramazanit – një kohë agjërimi, ripërtëritjeje, bamirësie, adhurimi dhe rritjeje”, tha Biden në një deklaratë, raporton AA.

Biden tha se SHBA rikonfirmon mbështetjen e saj për komunitetet myslimane që vuajnë vështirësitë dhe shkatërrimet.

“Ne do të vazhdojmë të qëndrojmë me popullin e Turqisë dhe Sirisë – të cilët kanë humbur shumë njerëz të dashur gjatë tërmeteve shkatërruese të fundit – dhe me popullin e Pakistanit, të cilët po rindërtojnë jetën e tyre pas përmbytjeve të verës së kaluar.

“Sot, veçanërisht, ne kujtojmë të drejtën universale të njeriut për të praktikuar, lutur dhe predikuar besimet tona në mënyrë paqësore dhe të hapur. Dhe së bashku me partnerët tanë, Shtetet e Bashkuara qëndrojnë në solidaritet me muslimanët që vazhdojnë të përballen me shtypjen, duke përfshirë ujgurët në Republikën Popullore të Kinës. , Rohingya në Birmani (Myanmar) dhe komunitete të tjera myslimane që përballen me persekutim në mbarë botën”, tha ai. /Arbresh.info/