Nga sot ka filluar aplikimi për regjistrimin e votuesve jashtë Kosovës për zgjedhjet e jashtëzakonshme në katër komuna në veri.

Kjo u bë e ditur përmes një komunikate nga Komisioni Qendror i Zgjedhjeve.

Në të thuhet se KQZ njofton se më 20 mars ka filluar periudha e aplikimit për regjistrim për votim jashtë Kosovës për zgjedhjet e jashtëzakonshme për kryetar në komunat: Mitrovicë e Veriut, Leposaviq, Zveçan dhe Zubin Potok si dhe për kuvendet komunale: Zveçan dhe Leposaviq, të cilat do të mbahen më 23 prill. Afati i aplikimit për këtë periudhë do të përfundojë më 27 mars 2023

Tutje në njoftim thuhet se gjatë kësaj periudhe, shtetasit e Kosovës që jetojnë jashtë Republikës së Kosovës mund të aplikojnë për regjistrim për të votuar përmes postës për zgjedhjet e jashtëzakonshme për kryetar në këto katër komuna. Gjithashtu, edhe ata/ato që nuk kanë shtetësinë e Republikës së Kosovës, por që kanë të drejtë të jenë shtetas të Republikës së Kosovës, sipas Ligjit për Shtetësi, mund të aplikojnë./Arbresh.info/