Kryeministri i Republikës së Kosovës, Albin Kurti ka folur pas takimit tripalësh me BE-në dhe Vuçiq.

Kurti tha se pala serbe po i ik nënshkrimit të marrëveshjes, dhe e njëjta po ndodh edhe me aneksin e zbatimit.

“Fillimisht duhet të falënderojë nikoqirët, krerët shtetërorë të Maqedonisë Veriore për mikpritjen. Ne erdhëm në Ohër për të nënshkruar marrëveshjen që do të zbatojë aneksin e marrëveshjes bazë. Pala tjetër refuzoi sërish nënshkrimin e saj. Sa i përket aneksin e zbatimit, ai do të publikohet në faqen e Bashkimit Evropian”, tha Kurti.

Kurti tha se presidenti serb sikur në takimin e 27 shkurtit në Bruksel, edhe në Ohër refuzoi që ta nënshkruajë marrëveshjen.

“Kemi arritur pajtim publik për një ankes që do të sigurojë zbatimin e marrëveshjes bazë. Pala tjetër njëjtë sikurse në takimin në Bruksel më 27 shkurt, po i ikë nënshkrimit të marrëveshjes. I takon BE-së të gjejë mekanizmin ta bëjë statusin e kësaj marrëveshje ligjërisht dhe ndërkombëtarisht të obligueshme”, deklaroi kreu i ekzekutivit kosovar.

Sa për aneksin, ai tha se do të publikohet në webfaqen e BE-së dhe “aty do ta lexoni e kuptoni se çka ka e çka s’ka”. /arbresh.info/