Shefi i Grupit Parlamentar të PDK-së, Abelard Tahiri, e ka quajtur të tmerrshme propozimin e Lëvizjes Vetëvendosje, për formimin e një Komisioni Hetimor për dhunën në familje dhe vrasjen e tyre.

Sipas tij, do të kishte kuptim që të njëjtën ta propozojë opozita.

“Ato që u diskutuan në kudër të këtij takimi ishte edhe një iniciativë nga VV-së për themelimin e një Komisioni Hetimor për hetimin e dhunës në familje dhe vrasjes së tyre. Sikur ky komision të propozohej nga opozita do të kishte kuptim, kjo të propozohet nga pushteti është e tmerrshme. Kjo qeverisje tash e dy vite ka dështuar në shumë hallka. Kur vjen puna që kjo të propozoj komision hetimor i bije që pushteti të dorëhiqen dy ministrat”, tha ai.

“Ne kemi qenë kundër por komente nuk kemi dërgu, i kemi dërgo në gjykatë dhe besoj që do ta ndjekim rrugën e njëjtë. Ata janë një instrument të VV-së për këtë nuk dërgojmë më komente. Do të ndjekim çështjen në mënyrë ligjore”, tha Tahiri

“Ju e dini që PDK ka qëndrim të qartë për këtë marrëveshje. Lajqak nuk ka thënë asgjë më shumë se ajo çka është thënë në media. Kurti i ka pruar Kosovë një marrëveshje të dëmshme. Është një marrëveshje e dëmshme, çështja është neni 7. Kjo është marrëveshja më e dëmshme që ju ka ofruar Kosovës ndonjëherë. Kurti manipulon vazhdimisht”, përfundon Tahiri./arbresh.info/

lexo edhe:

Këtë javë Kuvendi nuk mban seanca plenare, kjo është arsyeja