Taulant Xhaka dhe Baseli në ditët e fundit kishin mosmarrëveshje, gjë që u konfirmua edhe në media, por sot klubi ka njoftuar se shqiptari ka vazhduar kontratën deri në vitin 2027.

Taulant Xhaka, i cili së shpejti do të jetë 32 vjeç, ka nënshkruar një kontratë të re me Baselin që është e vlefshme deri në verën e vitit 2027.

Mesfushori iu bashkua Baselit në moshën 12-vjeçare, pra nga viti 2003.

Ai ka qenë vetëm një herë në huazim për një vit e gjysmë te Grasshopper, ndërsa me Baselin ka luajtur 346 ndeshje zyrtare.

Presidenti i Baselit, David Degen, ka thënë se janë të lumtur që kanë gjetur gjuhën e përbashkët me lojtarin, pasi ai ka merita të mëdha në sukseset e klubit.

Taulant Xhaka ka thënë se është i lumtur që do të vazhdojë të vesh fanellën e Basel edhe pse fillimisht bisedimet shkuan keq.

“Të gjithë e dinë shumë mirë që për mua nuk ka asgjë tjetër përveç FCB. Të them të drejtën, në fillim u zhgënjeva pak për mënyrën se si shkuan bisedimet”.

“Pasi u ulëm sërish bashkë, tani kemi arritur në një rezultat të lartë dhe jam jashtëzakonisht i lumtur që mund të vesh fanellën kuqeblu sa më gjatë dhe të luaj për këtë klub unik”, ka thënë Xhaka. /Telegrafi/

? Taulant Xhaka bleibt uns bis 2027 erhalten ❤️?

Wir freuen uns sehr zu verkünden, dass Tauli, der wie kein anderer die FCB-DNA in sich trägt, dem Club für weitere vier Jahre treu bleiben wird ?#FCBasel1893 #MirSinBasel #rotblaulive pic.twitter.com/ozSyrwWYQZ

— FC Basel 1893 (@FCBasel1893) February 23, 2023