Ministrja e Punëve të Jashtme e Kosovës, Donika Gërvalla, së bashku më Presidenten Vjosa Osmani, Kryeministrin Albin Kurti, bënë homazhe pran shtatores së heroit kombëtar Zahir Pajaziti.

Gërvalla tha se një ditë si kjo është e rëndësishme të kujtohet sakrifica, në këtë rast e tre heronjve të cilët po i përkujtojnë sot, të gjithë ushtarët trima të Ushtrisë Çlirimtare të Kosovës, të gjithë ata që rezistuan në format më të ndryshme deri në lirinë e Kosovës.

Ministrja e Jashtme tha se është edhe më e rëndësishme që kjo sakrificë të jetë gjithmonë udhërrëfyes për punët e shumta që duhet bërë çdo ditë, për të jetësuar idealet e tyre, për të jetësuar një shtet të fortë, demokratik dhe të lirë siç është Republika e Kosovës, ajo shtoi se këtë e dëshiruan Zahiri me shokë e tij, por edhe të gjithë ata që sakrifikuan jetën e tyre për liri.

Deklarata e plotë e ministres së Punëve të Jashtme, Donika Gërvalla, para shtatores së heroit Zahir Pajaziti:

Një ditë si kjo është e rëndësishme të kujtohet sakrifica në këtë rast e tre heronjve të cilët po i përkujtojmë sot, të gjithë ushtarët trima të Ushtrisë Çlirimtare të Kosovës, të gjithë ata që rezistuan në format më të ndryshme deri në lirinë e Kosovës.

Por, është edhe më e rëndësishme që kjo sakrificë të jetë gjithmonë udhërrëfyes për punët e shumta që kemi për të bërë çdo ditë, për të jetësuar idealet e tyre, për të jetësuar një shtet të fortë, demokratik dhe të lirë Republikën e Kosovës, ashtu siç e dëshiruan Zahiri me shokë e tij, por edhe gjithë ata që sakrifikuan jetën e tyre për liri.