Ish-kryeministri i Kosovës, Avdullah Hoti ka reaguar rreth rritjes së çmimit të faturës në pronë.

Përmes një shkrimi në Facebook, Hoti ka shkruar se Qeveritarët e nisin vitin mbarë.

“Qeveritarët e nisin vitin mbarë!!! I dyfishojnë faturat e tatimit në pronë, në veçanti për zonat urbane. Si arsyetohet kjo në krizën më të madhe të çmimeve në 15 vitet e fundit?! 85 mijë të punësuar nuk e dinë sa do ta kenë pagën në shkurt, por e dinë se faturat e tatimit në pronë i kanë të dyfishuara, ka shkruar deputeti i LDk-së.

Tutje Hoti shkruan se ligji kërkon ri-vlerësim të rregullt të vlerës së tregut të pronave

“Ligji sigurisht se kërkon ri-vlerësim të rregullt të vlerës së tregut të pronave. Por, ri-vlerësimi bëhet në kontekst të zhvillimeve ekonomike dhe sociale në vend, si dhe analizohet me kujdes se kur është koha e përshtatshme që kjo të reflektohet në faturat për qytetarët”, shkruan ai.

Kujtojmë se për këtë ka pasur edhe reagime nga deputetët e tjerë nga paritia e LDK-së. /arbresh.info/