Sot 17 vite më parë ka ndërruar jetë presidenti i parë i Kosovës, Dr. Ibrahim Rugova.

Në mesin e reagimeve të shumta në 17-vjetorin e vdekjes së Rugovës, ka reaguar edhe Forumi Crans Montana, i cili është i vetmi vend institucional ku vendimmarrësit nga qeveritë e biznesi takohen në një atmosferë private nga viti 1986.

“17 vjet më parë ndërroi jetë presidenti i parë i #Kosovës dhe lideri i Lëvizjes për Liri dhe Pavarësi Dr.Ibrahim Rugova… ne ishim miq besnikë që nga prilli 1992”, thuhet në llogarinë e këtij forumi në Twitter, ku është shoqëruar fotografia e Rugovës me kryetarin e këtij forumi.

Në këtë forum, pjesëmarrës ishte edhe ish-presidenti Rugova, ku kryetari i këtij forumi, Jean-Pual Carteron, ishte dekoruar me Urdhrin për paqe, demokraci dhe humanizëm “Dr. Ibrahim Rugova” për kontribut të veçantë në ndërtimin e paqes, zhvillim e demokracisë dhe kultivimin e humanizmit./arbresh.info/

17 years ago, the 1st President of #Kosovo & the leader of the movement for freedom & independence, Dr. Ibrahim #Rugova , passed away… we had been loyal friends since April 1992 pic.twitter.com/wf2k6ncFWq

— CMF – Crans Montana Forum Organization ♦️ (@CransMontanaF) January 21, 2023