Shtetet e Bashkuara të Amerikës dhe Bashkimi Evropian nëpërmjet një deklarate të përbashkët kanë shprehur shqetësimin lidhur me situatën e vazhdueshme të tensionuar në veri të Kosovës.

Të dyja palët kanë bërë thirrje për përmbajtje teksa kanë bërë të ditur se janë duke punuar me kryeministrin, Albin Kurti dhe presidentin serb, Aleksandar Vuçiq, për zgjidhje politike për të zbutur tensionet.

“I bëjmë thirrje të gjithëve që të ushtrojnë përmbajtje maksimale, të ndërmarrin veprime të menjëhershme për të zbutur pa kushte situatën dhe të përmbahen nga provokimet, kërcënimet apo kërcënimet”.

“Ne po punojmë me presidentin Vuçiq dhe kryeministrin Kurti për të gjetur një zgjidhje politike për të zbutur tensionet dhe për të rënë dakord për rrugën përpara në interes të stabilitetit, sigurisë dhe mirëqenies së të gjitha komuniteteve lokale” thuhet në deklaratë.

Tutje, ShBA-ja dhe BE-ja i kanë bërë thirrje Kosovës dhe Serbisë që të nxisin një mjedis të favorshëm për pajtim dhe të kryejnë detyrimet e dialogut.

“Ne gjithashtu presim që Kosova dhe Serbia të kthehen në nxitjen e një mjedisi të favorshëm për pajtimin, stabilitetin rajonal dhe bashkëpunimin për të mirën e qytetarëve të tyre. Të gjitha detyrimet e dialogut duhet të zbatohen plotësisht pa vonesë” thuhet mes tjerash në deklaratë.