“Bëhu Babadimër” në ndihmë të fëmijëve në repartin e hemato-onkologjisë

17:14 | 17 Dhjetor 2022
E.H

Me moton “Bëhu Babadimër, jepi buzëqeshje një familje”, më 25 dhjetor do të mbahet edicioni i radhës i maratonës në Prishtinë, ku qytetarët do të vrapojnë me veshje të Babadimërit.

Kostumet mund të blihen në shtëpizën e “Vrapo Babadimër” në sheshin “Zahir Pajaziti” ndërsa, të hollat nga shitja janë të destinuara për familjet në nevojë dhe fëmijët në repartin e hemato-onkologjisë.

Kështu bëri të ditur kryetari i Prishtinës, Përparim Rama i cili ftoi qytetarët të marrin pjesë.

“Më 25 dhjetor, duke filluar nga 12:00, ju presim të gjithëve të vrapojmë së bashku me kostume nga sheshi “George Bush” deri tek sheshi “Skënderbeu”, për tu kthyer më pas në pikën e nisjes”, ka shkruar Rama./arbresh.info/