Pepe: Ronaldo e di se kombëtarja është më e rëndësishme, vendimet e trajnerit duhen respektuar

08:06 | 7 Dhjetor 2022
K.B

Pepe theksoi se Cristiano Ronaldo e di se gjëja më e rëndësishme është ekipi dhe jo një lojtar.

Qendërmbrojtësi ka treguar edhe se si shënoi në fitoren ndaj Zvicrës (6-1).

“Ne kemi punuar dhe në rivënien e parë nga këndi do të goditnim drejt. Unë isha në vendin e duhur. Rezultoi puna kolektive”, theksoi qendërmbrojtësi, në një prononcim për RTP3.

Cristiano Ronaldo e nisi ndeshjen në pankinë: “Ai e di shumë mirë se gjëja më e rëndësishme jemi ‘ne’ (kombëtarja). Ajo që ndodhi sot ishte zgjedhje e trajnerit dhe duhet respektuar”, tha ai.

Kujtojmë së mbrëmë Portugalia ka shkëlqyer në ndeshjen ndaj Zvicrës, duke triumfuar me rezultat 6 me 1 dhe duke siguruar kalimin në çerekfinale.