I pari i Prishtinës, Përparim Rama ka pritur sot në takim të dërguarin e kryeministrit britanik për Ballkanin Perëndimor, Martin Vickers dhe deputet të tjerë.

Rama përmes një postimi në rrjetin social Facebook, tha se është shumë i lumtur për këtë takim duke shtuar se miqësia me Britaninë e Madhe është e shenjtë.

Tutje Rama njoftoi se me Vickers ka biseduar për energjinë, edukimin, sigurinë, tregtinë, TIK, riciklimin dhe mundësi të tjera për thellimin e bashkëpunimit në këto drejtime, transmeton arbresh.info.

Postimi i tij i plotë:

Miqësia jonë me Britaninë e Bashkuar është e shenjtë!

Isha shumë i lumtur të takohem me të dërguarin e Kryeministrit të për tregti në Ballkanin Perëndimor, Martin Vickers së bashku me deputetët Judith Blake – Baroness Blake of Leeds dhe Mathew Offord.

Bashkë diskutuam për sektorin e energjisë, edukimit, sigurisë, tregtisë, TIK, reciklimit, dhe mundësitë për thellimin e bashkëpunimit në këto drejtime./arbresh.info/