Ish-kryenegociatorja e Kosovës, Edita Tahiri u ka bërë një kritikë publike Shefit të Diplomacisë së BE-së, Josep Borrell dhe Emisarit Special të BE-së, Miroslav Lajçak për mos-publikimin e marrëveshjeve të arritura.

Përmes një postimi në Twitter, Tahiri ka thënë se marrëveshjet janë për popujt e dy shteteve, jo për lehtësuesit e dialogut.

“Është praktikë e gabuar e lehtësuesve të Dialogut të Brukselit, Josep Borrell dhe Miroslav Lajçak mos-publikimi i marrëveshjeve/dakordimeve të arritura mes Kosovës dhe Serbisë. Marrëveshjet janë për popujt e dy shteteve, jo për lehtësuesit e dialogut”, ka shkruar Tahiri./arbresh.info/

Wrong practice of the Brussels Dialogue’ EU facilitators @JosepBorrellF @MiroslavLajcak of not publishing reached agreements/arrangements between ????. The agreements are for people of the two states and not for facilitators

— Edita Tahiri (@EditaTahiri) November 24, 2022