Ish-ambasadori i ShBA-së në Kosovë, Greg Delawie ka reaguar pas dorëheqjes së ish-kryeprokurorit të Gjykatës Speciale, Jack Smith, i cili tash e tutje do t’i mbikëqyrë hetimet ndaj ish-presidentit Donald Trump në SHBA.

Delawie përmes një postimi në Twitter e ka quajtur “interesante” emërimin e Smith për t’u marrë me rastin e Trump.

“Interesante që Garland mendon që avokati i cili ka hetuar krimet kundër njerëzimit dhe krimet e luftës në Kosovë, është njeriu i duhur për ta përndjekur Trumpin”, ka shkruar Delawie.

Kujtojmë se sot është bërë e ditur se Jack Smith ka dhënë dorëheqje nga pozita e kryeprokurorit në Dhomat e Specializuara të Kosovës në Hagë.

Ai është emëruar në pozitë të re, atë të Këshilltarit Special nga ana e Prokurorit të Përgjithshëm, Merrick B. Garland.

Smith do të merret me hetimin e ish-presidentit amerikan, Donalt Trump, nëse ka ndërhyrë ose jo në zgjedhjet presidenciale të vitit 2020./arbresh.info/

Interesting that Garland thinks the lawyer who has been prosecuting crimes against humanity and war crimes in #Kosovo is the right person to prosecute Trump. @steadystatevets

— Ambassor Greg Delawie (@GregDelawie) November 18, 2022

Lexo edhe:

Jack Smith jep dorëheqje nga pozita e kryeprokurorit në Speciale