Deputetët e Lëvizjes Vetëvendosje, pjesë e Komisionit për Mbikëqyrjen e Financave Publike e kanë lëshuar mbledhjen.

Kjo pasi deputeti i PDK-së, Rashit Qalaj i tha, deputetes së VV-së, Mirlinda Tishukaj, “je bo si papagall”.

Deputeti i VV-së, Halil Thaçi i ka ftuar bashkëpartikaët që të lëshojnë mbledhjen.

“Unë nuk e vazhdoj mbledhjen pasi ofendoni dhe thërras deputet e VV-së ta lëshojnë sallën”.

Tishukaj ka folur pas prezantimit të raportit të Auditimit për Ministrinë e Arsimit. Duke thënë se VV-ja po korrigjon gabimet e partive të tjera.

“Mos u mundo me ndërtuar çka është e trashëguar nga ministritë e juaja. Ne si VV dihet t’i korrigjojmë gabimet e juaja. Që nga 22 rekomandime i kemi vetëm 11. Ka një përgjegjësi institucionale me pas dispilinë për financa publike. Je mësuar në Polici me fol qysh do, këtu ka rregulla”.

Fillimisht ministrja e Arsimit Arbërie Nagavci foli për Raportin e Auditimit për pasqyrat vjetore financiare të MAShTI-t.

Ajo tha se kanë arritur që t’i realizojnë shumicën e rekomandimeve, duke shtuar se e kanë zgjidhur problemin e 32 zyrtarëve serb që nuk janë paraqitur në punë e janë paguar./eo