Trajneri spanjoll, Xavi Hernandez ka thënë se ndihet i sigurt me punën e tij te Barcelona dhe beson se skuadra ende është në garë për trofe.

Barcelona ka dështuar për sezonin e dytë radhazi të kalojë grupet e Ligës së Kampionëve, duke rënë në Ligën e Evropës.

Pas këtij eliminimi, kanë filluar zërat për lëkundjen e karriges së trajnerit Xavi, i cili e mori skuadrën në fillim të sezonit të kaluar.

Megjithatë, Xavi nuk frikësohet nga ndonjë shkarkim i mundshëm, pasi sipas tij janë ende në luftë për trofe.

“Ndihem i sigurt në këtë projekt. Këtë sezon synimi është të fitojmë tituj”, ka thënë fillimisht Xavi.

“Rezultatet do të vijnë… dhe nëse nuk vijnë, atëherë do të vijë një trajner i ri”.

“Nënshkrime në janar? Bordi po punon, por është shumë herët për të folur për këtë”, përfundoi trajneri i Barcelonës.