De Jong thyen heshtjen: Gjithmonë kam dashur të qëndroj te Barcelona, shpesh idetë e klubit dhe lojtarit përplasen njëra me tjetrën

23:03 | 21 Shtator 2022
KRG

Frenkie de Jong ka thyer heshtjen pas disa muajsh, ku ishte në qendër të vëmendjes për largimin e tij te Barcelona.

Pasi përjetoi një verë të vështirë, ku Barcelona arriti marrëveshje me Manchester United për transferimin e tij dhe ai refuzoi të largohej, mesfushori foli për herë të parë se si e përjetoi këtë situatë.

“Gjithmonë kam dashur të qëndroj te Barcelona dhe për këtë arsye kam mbajtur gjithmonë qetësi gjatë verës”, ka thënë ai.

Edhe pse situata ishte e vështirë për t’u menaxhuar, De Jong u përpoq të minimizonte atë që kishte përjetuar.

“Nuk mund të jap shumë detaje. Por shikoni… klubi ka idetë e veta dhe unë kam të miat dhe ndonjëherë këto përplasen me njëra-tjetrën. Por në fund të ditës gjërat shkuan mirë…”, ka thënë ai. /Telegrafi/