Kryeministri i Kosovës, Albin Kurti gjatë një konference për media ka folur për takimin e paralajmëruar në lidhje me kryetarët e komunave që pritet të mbahet më 24 shtator.

Kurti tha se për këtë mbledhje janë dakorduar 3 muaj më herët, konkretisht në mbledhjen që qeveria ka pasur me kryetarët e komunave në qershor, teksa shtoi se është zëvendësja e tij, Emilja Rexhepi, që po merret me përgatitjet e takimit.

“Është sekretaria e zyrës sime, në veçanti është zëvendëskryeministrja Emilja Rexhepi, e cila intensivisht po merret me përgatitjen e kësaj mbledhje dhe qëllimi ynë është se si mund të bashkëpunojmë sa më ngushtë qeveria qendrore me komunat për zhvillim sa më të barabartë dhe të gjithanshëm, pra, agjenda do t’u ndahet atyre”, është shprehur shefi i ekzekutivit. /arbresh.info/