Me SBAShK-un Lëvizja Vetëvendosje nuk ka pasur marrëveshje në 2017’ën, por me PAN-in, tha kryeministri i Kosovës, Albin Kurti, duke folur për çështjen e grevave në arsim dhe administratë.

Duke folur për takimin me Këshillin Grevist, kryeministri tha se “këto kërkesa partikulare, nuk mund të maskohen e gjithsesi të zbulohen me shprehje si ‘na ndihmo si vëlla’”.

“Na ndihmo si vëlla, ami 100 euro”, u shpreh Albin Kurti t’i kenë thënë grevistët në takimin mes qeverisë dhe sindikalistëve, teksa tha se “unë nuk bëj kështu”,

“Nuk mund të sillesh me qeverinë e Republikës së Kosovës në mënyrë private. Këto kohëra kanë kaluar, në të kaluarën ju keni bërë marrëveshje private. Une nuk bëj ashtu, unë ofroj pako për përballje me inflacionin”.

Mbështetjen e opozitës ndaj grevës Kurti e konstatoi si të koordinuar për, siç tha ai, të sulmohet qeveria.

“Nuk kam unë as inat e as urrejtje ndaj askujt dhe nuk është e vërtetë që kam pasur marrëveshje me sindikalistët. Këta 6 ditë para zgjedhjeve të 2017’ës bënë memorandum bashkëpunimi me PAN-in”, tha ai.

Rrënohet buxheti i shtetit, tha ai, nëse drejtohen kërkesa partikulare “çdo kush për vete”.

“Nuk është problemi te mungesa e komunikimin ose ndonjë arrogance, por kemi një problem thenmelor, sepse i jam i bindur që nga kjo krizë dalim nga pakoja për përballim të inflacionit e jo nga kërkesa partikulare”.

“Mësuesi merr pagën për performancë, jo për shportën familjare, ne shportën familjare të mësimdhënësit e ndihmojmë me pako”. /arbresh.info/